Tratado de gastronomía.

8º PRINCIPIU “L'área d'un cachopu ye igual a base por altura, partíu por dos”

* “En Xixón comemos bien y comemos abondo, pero lo que más nos presta ye compartilo.”
Ana y Pablo, miembros del Scooter Club Cachopers

 

 



Va non munchos años, un grupu d’amigos y amigues de Xixón axuntáronse pa compartir aficiones: la música, les scooters y les fartures. El platu que más-yos presta ye’l cachopu, anque maticen: «nun dexamos pasar un bon platu d’arroz con bugre». Asina nació’l Scooter Club Cachopers.

Subi a la to vespa, vamos percorrer en tropiella les carreteres revesgaes de la costa xixonesa y a compartir dalgo rico de comer xunto a la mar. Depués, vamos mover un poco la cadarma con bona música en direuto de la escena llocal.

Bañistas Playa de San Lorenzo

 

 

Foto Cachopo
El famosu cachopu

Anguaño yá ye una seña d’identidá de la gastronomía asturiana. Anque hai variantes, el cachopu clásicu consiste en xamón serrano y quesu de la tierra ente dos filetes de xata asturiana, too empanao y con unes proporciones… Grandes abondo, vamos dexalo ehí.

Foto Sidrerías
Les sidreríes

Equí llámense chigres. Son, como indica’l nome, establecimientos onde se toma (y s’escancia) sidra, pero tamién onde pues alcontrar la materia prima más fresca y la xente llocal más auténtico.

Foto Merenderos
Los merenderos

Allugaos na redolada de la ciudá, con meses al aire llibre y arrodiaos de naturaleza, son un puntu d’alcuentru mui afayadizu pa families y grupos d’amigues y amigos. Un plan: das una vuelta en bici cola to xente pelos montes y siendes de la contorna y al meudía faes una parada nel merenderu que más te preste pa reponer fuercies con sidra, croquetes, calamares y quesu Cabrales. ¿Qué te paez?

Foto Moteros
Una ciudá motera

Esta ciudá siempres se carauterizó pola so cultura motera y pola cantidá de motos qu’hai nella. Igual que los Cachopers, esisten munchos clubes que se dediquen a rodar y facer actividaes. Y ye que, ensin salir del conceyu, hai una montonera de carreteres y pistes ablucantes que van de la mar al monte. Y un pocoñín más allá, ties a tiru piedra nada menos que… ¡Asturies entera!

Foto Concierto
La escena musical xixonesa

A les y los xixoneses préstanos la música pola vida, y tenemos la suerte de qu’esa querencia ye correspondida. La ciudá ye famosa pola música en vivo nos bares y polos festivales de tolos estilos que se celebren a lo llargo l’añu: Gijón Sound Festival, L.E.V. Festival, Festival de Música Antigua, Gijón Life, Tsunami Xixón, Euroyeyé, Jazz Xixón y Festival de Góspel, entre otros.

Foto Pescado
La gastronomía llocal

Si quies tastiar los meyores sabores llocales, pregunta polos productos de temporada en restoranes y sidreríes. Tamién t’apurrimos unos conseyos nel nuestru Tratáu de Xixonomía. ¿Quies dalgún exemplu? Pues equí ties un adelantu: bocartes en primavera, bonitu pel branu, verdines pela seronda y centollu n’iviernu. ¡Qu’aproveche!

Vivir bien tien la so ciencia

¿Quies ganar un fin de selmana en Xixón pa dos persones?

¡Qué! ¿Yá vas pillando esto de la Xixonomía? Mira que te lo diximos: esto tien la so ciencia.

Si nun resides n’Asturies, vamos ponete a prueba. Si contestes bien, vas entrar nel sortéu de dos nueches d’hotel pa dos persones, una visita a un llagar y una actividá náutica a escoyer.

¿Qué más quies? ¡Nun tienes nada que perder!

Esame de
Xixonomía

¿Hai dalgo más grande nel mundu qu’un cachopu?

¿Existe algo más grande en el mundo que un cachopo?

Pa participar nel sortéu, has rellenar los tos datos: