Tratáu de Xixonomía. Sitios, costumes y especímenes xixoneses. Un estudiu antropolóxicu y antolóxicu

* Maru, de 76 años, báñase col so “grupín” tolos díes a les 8 la mañana, seya branu o iviernu, na playa San Llorienzo, concretamente na escalera 2, que llamen con cariñu
“La Rampina”.

“Ye lo mejor del día”, asegura.

Xixonomía

Allegres, arrogantes, nobles, célebres... “grandonos”, con una forma peculiar d’entender la vida y tamién d’espresalo. Asina somos.

Si yes visitante, vas descubrir bien rápido qu’hai coses mui xixoneses. Delles veces van chocate, pero nel so contestu too tien sentíu. Nun ye raro que, andando per Xixón, sientas espresiones o pallabres que de mano nun te suenen: chiscar, prestar, estrapayar, mancar, emburriar, fame, folixa... Espresiones del asturianu mécense nel falar de les y los xixoneses ensin que seyamos conscientes de que lo facemos. Pero tamién hai espresiones que son propies de la ciudá: si daquién te manda a “ver la ballena” nun ta encamentándote precisamente que vayas hasta l’Acuariu...

Xixonomía ye una forma de ser, de vivir y de sentir Xixón.
Ye una pasión... una obsesión. Ye'l compendiu de lo que somos nós y la nuestra ciudá.

Conoznos y contaxáte d'esa obsesión sana. Descubri la Xixonomía auténtica.

Sigui averándote al mundu de la Xixonomía y participa nel sortéu d’UN FIN DE SELMANA PA DOS PERSONES en Xixón. Namás tienes que t’atrever col nuestru...

esame de Xixonomía

El tratáu

Xixón y les y los xixoneses merecemos una enciclopedia aparte.

La nuestra pasión por too: la comida, la sidra, la mar, la naturaleza, l'amistá, el pasalo bien, ¡pola vida!... ye dalgo digno d'estudiu.

Poro, tamos iguando un Tratáu de Xixonomía bien completu, un estudiu antropolóxicu... y antolóxicu de Xixón, los sos requexos, les sos costumes y, sobre too, les y los sos interesantes especímenes.

 

 

Los principios

La Xixonomía estructúrase al traviés de los sos Principios Fundamentales, un conxuntu de lleis científiques que rixen la vida de Xixón y de les y los sos habitantes.

Frutu d’años d’observación y estudiu, los Principios Fundamentales son básicos pa entender el carácter y los vezos d’estos personaxes peculiares. Na so ellaboración collaboraron mentes y escueles que dexaron una buelga imborrable na historia de la ciencia y la filosofía. Bono, más que collaborar, robámos-yos dalguna idea, conque la so aportación, claro, ta mui presente.

Col tiempu, pasín ente pasu, vamos dir completando el Tratáu de Xixonomía, desvelando los secretos de caún de los Principios, conociendo especímenes nuevos, descubriendo sitios y retratando comportamientos.

 

 

1er PRINCIPIU -Arquímedes- “Tou cuerpu somorguiáu nun fluyíu esperimenta un subidón que pa qué”
2u PRINCIPIU Termodinámica “La enerxía nin se crea nin se destruye, compártese”
3u PRINCIPIU -Llei d'Ohm- “La intensidá de la corriente ye direutamente proporcional al valor de la resistencia”
4u PRINCIPIU -Euclides- “La distancia más corta ente dos puntos ye lo de menos”
5u PRINCIPIU -Carnegie- “El secretu del to éxitu ye arrodiate de Xixón”
6u PRINCIPIU -Newton- “Tou cuerpo va permanecer en reposu, a nun ser por fuercia mayor”
7u PRINCIPIU -Tales de Mileto- “L'agua ye'l principiu de too.
¿O non?"”
8u PRINCIPIU -Pitágoras- “L'área d'un cachopu ye igual a base por altura. Partíu por dos”
9u PRINCIPIU -Protágoras- “Grandona ye la midida de toles coses”
Play 1er PRINCIPIU
“Tou cuerpu somorguiáu nun fluyíu esperimenta un subidón que pa qué” La nuestra rellación col agua ye especial. Bañámonos na mar n'iviernu, moyámonos col orbayu... ¡pero vanos la marcha!

Xixón abraza la mar cola ensenada de San Llorienzo. Dende San Pedro hasta La Lloca, millares de xixoneses y de visitantes percuerren tolos díes el paséu marítimu que llamamos El Muro, demientres tol añu. La nuestra rellación cola mar ye intensa y marca’l nuestru carácter.

La playa de San Llorienzo tien un llargor de 1 km y mediu y ta dividida en 16 accesos o escaleres, que van dende la escalera 0 (“La Cantábrica”), detrás de la Ilesia San Pedro, hasta la zona qu’avezamos llamar “el Tostaderu”, na boca del ríu Piles.

Pero, amás de San Llorienzo (la más conocida), nel conceyu tenemos 8 sableres más, unes urbanes y otres más naturales.

La playa, pa nós, nun ye namás pa tomar el sol: ye pa pasiar pela oriella, pa sacar a los perros pel iviernu, pa facer surf, pa xugar al fútbol y al volei... o pa garrar andariques nel pedreru.

Mujer en Playa de San Lorenzo

 

 

Foto La Cantábrica
La Cantábrica

Na escalera cero o “La Cantábrica” entama’l paséu d’El Muro de San Llorienzo. Dende ehí vese’l Club de Regatas y la subida pel barriu de Cimavilla hacia L’Atalaya, onde s’alluga l’Elogio del Horizonte, la escultura xigante de Chillida, y dende la que puedes disfrutar d’una vista panorámica de Xixón.

Foto La Rampina
La rampina y el bañu matinal

Grupos de persones, como les y los protagonistes del vídeu que puedes ver nesta web representando’l Primer Principiu de la Xixonomía, aconceyen toles mañanes na “rampina” o en La Escalerona pa dase un calón.

Foto La Lloca
La Lloca

La Madre del emigrante ye conocida popularmente como ‘La lloca’l Rinconín’ o ‘La muyerona’. Ye una escultura de Ramón Muriedas Mazorra n’homenaxe a la emigración asturiana.

Con aspeutu xostrón y visaxe desencaxáu, la nuestra “lloca” más querida despide a los fíos que s’alloñen nel horizonte.

Foto Partidín en la playa
Partidín na sablera

Los partíos de fútbol-playa entámense tolos fines de semana. Xente de toles edaes aconceya a la hora que permite la marea, pues ye preciso xugar en baxamar.

Foto La Escalerona
La Escalerona

En Xixón, les escaleres d’accesu a la playa de San Llorienzo dende’l paséu marítimu (“El Muro”) tán numberaes. Dacuando usámosles como referencia espacial: “a l’altura de la 12”, por exemplu. Bono, pues la más grande, la del reló, la del termómetru xixante, la más famosa... ye La Escalerona.

¿Vémonos en La Escalerona?

¿Quies saber más?

Vamos publicar ensiguida más principios del Tratáu de Xixonomía y, con ellos, más histories y más personaxes.

Mientres, puedes somorguiate nos requexos de la nuestra ciudá al traviés de la páxina de Visita Gijón/Xixón. O meyor tovía, ¡ven a visitanos!

Vivir bien tien la so ciencia

¿Quies ganar un fin de selmana en Xixón pa dos persones?

¡Qué! ¿Yá vas pillando esto de la Xixonomía? Mira que te lo diximos: esto tien la so ciencia.

Si nun resides n’Asturies, vamos ponete a prueba. Si contestes bien, vas entrar nel sortéu de dos nueches d’hotel pa dos persones, una visita a un llagar y una actividá náutica a escoyer.

¿Qué más quies? ¡Nun tienes nada que perder!

Esame de
Xixonomía

Yá te presentamos el 1er Principiu de Xixonomía pente medies d’un vídeu con unes y unos protagonistes qu’aconceyen toles mañanes nun sitiu mui concretu de Xixón.

¿Cómo llamen a esi sitiu?

Pa participar nel sortéu, has rellenar los tos datos: